Ma’ Hi’n Flwyddyn Newydd Dda yn Clwyd Theatr Cymru – O Ydi Ma’ Hi!

Theatr yn Dathlu Llwyddiant Cynulleidfaol Wrth i Ffigurau Newydd Ddangos bod Chwarter Cynulleidfa Ddrama Cymru’n Dod i’r Wyddgrug Nawr ar gyfer Theatr o Safon Byd.

Clwyd Theatr Cymru yw’r llwyfan drama mwyaf poblogaidd yng Nghymru. MaeffigurauCynulleidfaoedd Cymru yn dangos bod bron i draean o raglen y theatr yn ystod blwyddyn ariannol 2011/12, sef y flwyddyn ddiweddaraf y mae gwybodaeth ar gael ar ei chyfer, wedi’i neilltuo i ddrama. O blith y 37 o theatrau yng Nghymru sy’n cymryd rhan yn y Meincnod Gwybodaeth, mae theatr yr Wyddgrug ei hun yn darparu 28% o’r holl arlwy drama sydd ar gael yng Nghymru. O blith yr holl deuluoedd sydd wedi archebu drama yng Nghymru, mae chwarter yn dod i Clwyd Theatr Cymru.

Y llynedd, prynodd 181,000 o bobl docynnau yn y theatr. Ar gyfer cynyrchiadau drama yn benodol, mae dwbl y canran o deuluoedd yn dychwelyd i Clwyd Theatr Cymru 3, 4 a 5 gwaith o gymharu ag unrhyw theatr arall yng Nghymru.

Yn ystod y flwyddyn, gwelodd Clwyd Theatr Cymru gynnydd o 30% mewn gwerthiant ar gyfer drama, a chynnydd o 24% yn y refeniw a gynhyrchir ar gyfer digwyddiadau drama.

Ac mae’r Nadolig wedi profi’n llwyddiant ysgubol arall gyda chynulleidfaoedd.

Cafwyd cynulleidfa o 37,622, neu 89% o’r seddi oedd ar gael, ar gyfer Dick Whittington – Y Panto ‘Wok a Rôl’, a gyfarwyddwyd gan Peter Roweac a oedd yn cynnwys cast o ddeg o actorion/cerddorion hynod dalentog, gan gynnwys Phylip Harries fel Dâm. Mae’r pantomeim blynyddol, sy’n draddodiad sydd wedi hen ennill ei blwyf yn yr Wyddgrug bellach, yn cael ei ystyried gan lawer fel y gorau yng Nghymru. Mae’r archebion yn agor ym mis Mai fel rheol.

Mae tua 40,000 o bobl wedi gweld y sioeau a’r ffilmiau Nadolig yn Clwyd Theatr Cymru eleni, ac mae hynny gyda’r gorau yn hanes y theatr, sy’n bodoli ers 36 o flynyddoedd.

Dywedodd Terry Hands, Cyfarwyddwr Artistig a Phrif Weithredwr Clwyd Theatr Cymru,  "Mae’r ffigurau hyn yn galonogol iawn ac yn deyrnged i’r Cwmni ac i safon ei waith."

Clwyd Theatr Cymru yw prif gorff cynhyrchu drama Cymru, a adeiladwyd yn wreiddiol fel Canolan Gelfyddydau Ranbarthol.

Mae’n gartref i gwmni cynhyrchu uchel ei barch, sydd hefyd yn cyflwyno llawer o'i waith ar daith trwy Gymru a gweddill y DG. Mae'r cwmni'n cynhyrchu'n bennaf yn Saesneg, ond hefyd yn y Gymraeg. Mae adran Theatr Pobl Ifanc sydd wedi ei hintegreiddio’n llawn, sy'n defnyddio'r un perfformwyr, technegwyr a staff creadigol i gyflawni’r un gwerthoedd cynhyrchu uchel a'r cynnyrch prif ffrwd. Mae'r theatr hefyd yn llwyfannu amrywiaeth o ddrama, dawns, a cherddoriaeth deithiol a Gŵyl Gymunedol yn yr Haf. Mae oddeutu 900 perfformiad cyhoeddus bob blwyddyn.

Crëwyd trwy weledigaeth yr hen Gyngor Sir y Fflint a'i Brif Weithredwr Haydn Rees, ac agorwyd Theatr Clwyd ym 1976. Wedi ei lleoli filltir o ganol tref Yr Wyddgrug yng Ngogledd-ddwyrain Cymru, mae'r adeilad yn ymgorffori pum lleoliad perfformio: Theatr Anthony Hopkins (580 sedd), Theatr Emlyn Williams (250 sedd), Stiwdio 2 (120), Ystafell amlswyddogaethol Clwyd (hyd at 300) a'r Sinema (120). Hefyd, mae siop lyfrau, bwyty a thair oriel gelf.Cyfarwyddwyr Artistig yn y gorffennol oedd George Roman, Toby Robertson, a Helena Kaut-Howson.

Derbyniodd Terry Hands swydd Cyfarwyddwr ar 2 Mai 1997.Newidiodd yr enw i Glwyd Theatr Cymru ym 1998 i adlewyrchu hunaniaeth genedlaethol a chylch gorchwyl newydd ar ôl y newidiadau yn sgil Ad-drefnu Llywodraeth Leol yng Nghymru. Ym 1998, enillodd y theatr wobr Theatr y Flwyddyn Barclays/TMA ac ym 1999 fe'i dynodwyd yn Gwmni Celfyddydau Perfformio Cenedlaethol Cymru gan Gyngor Celfyddydau Cymru.

Bydd gwybodaeth Technegol lleoliadau perfformio Clwyd Theatr Cymru yn cael eu hychwanegu i'n gwefan cyn bo hir. Yn y cyfamser, cewch fanylion uniongyrchol trwy gysylltu â aeoldau o’n tîm technegol:

Rheolwr Technegol: Pat Nelder  01352 701581
pat.nelder@clwyd-theatr-cymru.co.uk

Pennaeth Goleuo a Sain: Kevin Heyes  01352 701896
kevin.heyes@clwyd-theatr-cymru.co.uk

Pennaeth y Llwyfan: Jayson Noble  01352 701874
jayson.noble@clwyd-theatr-cymru.co.uk

AMODAU GWERTHU

Ni ellir cyfnewid tocynnau na chael ad-daliad arian na ffioedd.

Caiff y  rheolwyr yr hawl i wrthod mynediad i berfformiadau ac, os bydd angen, i newid y rhaglen yn ddirybudd.

Gwaherddir defnyddio camerâu ac offer recordio yn gyfangwbwl.

Ni chaniateir mynediad i rai sy'n hwyr yn cyrraedd nes bydd egwyl addas yn y perfformiad.

Gellir defnyddio’r wybodaeth a roddir at bwrpas cofrestredig o dan amodau deddf Gwarchod Data 1998. Os nad ydych yn dymuno i wybodaeth amdanoch gael ei defnyddio, cysylltwch â’r Swyddfa Docynnau os gwelwch yn dda.

Cerdyn Ffyddlondeb Y Sinema

Telerau Ac Amodau

Mae’r cynnig hwn yn dibynnu ar yr hyn sydd ar gael a gall gael ei dynnu’n ȏl ar unrhyw adeg, yn unol â dewis Clwyd Theatr Cymru.

Ni ellir defnyddio’r cynnig hwn ar y cyd ag unrhyw gynnig hyrwyddo arall.

Nid oes modd trosglwyddo cardio. Mae gan ddeilydd pob cerdyn hawl i un stamp am bob tocyn a brynir. Nid oes gan y stampiau unrhyw werth mewn arian parod ac ni ellir eu cyfnewid am arian parod, eu gwerthu na’u trosglwyddo.

Mae’r cardiau’n ddilys am 3 mis o ddyddiad eu cyhoeddi.

YSGRIFENNU NEWYDD YN CLWYD THEATR CYMRU

Mae Clwyd Theatr Cymru yn ymroddedig i gyflwyno’r ysgrifennu newydd gorau posibl, gan weithio’n agos â dramodwyr i ddod â’u gwaith i’r llwyfan.